शुक्रबार, २२ जेठ २०८३
शुक्रबार, २२ जेठ २०८३
२६ माघ २०८२
काठमाडौं- अपराध अनुसन्धानमा कृत्रिम बुद्धिमत्ता (एआई) र सामाजिक सञ्जालको दुरुपयोग बढ्दै गएकाले शान्ति सुरक्षा र अनुसन्धान प्रक्रियामै गम्भीर चुनौती थपिएको छ ।
प्रहरी महानिरीक्षक दानबहादुर कार्कीले डिजिटल प्रविधिको गलत प्रयोग, गलत सूचना (मिसइन्फरमेसन), नियतवश फैलाइने भ्रामक सूचना ९डिसइन्फरमेसन०, हेट स्पिच तथा एआईमार्फत सिर्जना गरिएका झुटा सामग्रीले अपराध अनुसन्धानलाई जटिल बनाइरहेको बताएका छन् ।
राजधानीमा आज आयोजित अपराध अनुसन्धान र शान्ति सुरक्षामा सञ्चार माध्यमको भूमिका विषयक एकदिने अन्तरक्रिया कार्यक्रममा बोल्दै प्रहरी महानिरीक्षक कार्कीले छिटो सूचना सम्प्रेषण गर्ने होडबाजीका कारण गलत र अप्रमाणित समाचारहरू फैलिने क्रम बढेको उल्लेख गरे । यस्ता समाचारले समाजमा भ्रम सिर्जना गर्नुका साथै अपराध अनुसन्धानमा नकारात्मक प्रभाव पारेको उनको ठहर छ ।
‘आजको डिजिटल युगमा एआई र सामाजिक सञ्जालको दुरुपयोग साझा चिन्ताको विषय बनेको छ,’ उनले भने । नेपाल प्रहरीले एआई तथा एडभान्स एनालिटिक्स सेल गठन गर्ने तयारी गरिरहेको पनि प्रहरी महानिरीक्षक कार्कीले जानकारी दिए । उक्त सेलले डिजिटल अपराध, एआईको दुरुपयोग, अनलाइनबाट फैलिने झुटा सामग्रीको निगरानी र कानूनी उपचारमा सहयोग पुर्याउने अपेक्षा प्रहरीको छ ।
त्यस्तै राष्ट्रिय सुरक्षाको संवेदनशीलतालाई सञ्चारकर्मीहरूले आफ्नो पेशागत धर्मको रूपमा आत्मसात गर्नुपर्ने आवश्यकतातर्फ पनि उनले औंल्याएका छन् । अपराध अनुसन्धानमा असर पर्ने किसिमका समाचार सम्प्रेषण नगर्न सञ्चार माध्यमहरूलाई सचेत रहन आग्रह गरे ।
अपराध अनुसन्धान विभाग प्रमुख तथा प्रहरी अतिरिक्त महानिरीक्षक सुशील सिंह राठौरले स्वागत मन्तव्य राखेको उक्त कार्यक्रममा विज्ञापन बोर्डका अध्यक्ष लक्ष्मण हुमागाईंले प्रस्तुत गरेको गलत सूचना, भ्रामक सूचना, डिपफेक ९एआई सिर्जित सामाग्री० सम्बन्धी कार्यपत्रमा अवकाश प्राप्त प्रहरी महानिरीक्षक प्रकाश अर्यालले टिप्पणी गरेका थिए ।
कार्यक्रममा केही सञ्चारकर्मी र नेपाल प्रहरीका अवकाशप्राप्त केही उच्च अधिकारीहरुले कार्यपत्रमाथि जिज्ञासा राख्दै विगतका केही अनुभव सुनाएका थिए । पत्रकार महासंघकी अध्यक्ष निर्मला शर्माले गलत सूचना, भ्रामक सूचना, डिपफेकबाट सिर्जित समस्या समाधानका लागि प्रहरी र पत्रकारले संयुक्त पहल गर्नुपर्नेमा जोड दिइन् ।
बागमतीका सांसदलाई ३ र ५ करोडको बजेट सिलिङ
सन् २०२६ को विश्वकप अहिलेसम्मकै सबैभन्दा प्रदूषणकारी प्रतियोगिता बन्न सक्ने चेतावनी
गर्मीले तराई मधेशको जनजीवन प्रभावित
हिसाब मिलान नगर्ने सहकारी सञ्चालकको तीनपुस्ते विवरण सार्वजनिक
बालेन सरकारलाई अमेरिकी घेराबन्दी १ दुई महिनामै ५ पटक भ्रमण
भारतीय प्रधानमन्त्री मोदी र रास्वपा सभापति रवि लामिछानेबीच भेटवार्ता
एमाले नेतृत्व नछोड्ने ओलीको घोषणा, भने– त्यस्तो आशंका मनमा नलिनु होला
प्रधानमन्त्रीको अभिव्यक्तिको विरोधमा तरुण दलको प्रदर्शन
बालेन सीमा बारे बोले लगत्तै सुस्ता पस्यो भारतीय एसएसबी,नेपाली भूमिमा निर्माणाधीन तटबन्धमा अवरोध
हानाहान गर्दै पारित गरेको संसद नियमावलीमा के छ रु सांसदलाई विशेष अधिकार, अब कानुनले नछुने
प्रतिक्रिया