सोमबार, ०१ असार २०८३
सोमबार, ०१ असार २०८३
३१ जेठ २०८३
काठमाडौं- दर्शकवृन्द, एक पटक यो दृश्यलाई हेर्नुहोस् त । यो दृश्य कुनै चलचित्रको सुटिङ होइन, न त यो कुनै भवितव्य दुर्घटना नै हो। यो त राज्यको शक्ति र वर्दीको आडमा देखाइएको दादागिरी हो । जसले मानवियताको समेत चिरहरण गरेको छ । कैलालीको गोदावरीमा डिभिजन वन कार्यालयका कर्मचारीहरूले एउटा टेम्पोलाई भिरबाट यसरी खसाले, मानौँ उनीहरूले कुनै शत्रुको किल्ला ध्वस्त पार्दै छन्। तर उनीहरूले बिर्सिए, त्यो टेम्पो मात्र थिएन, एउटी गरिब आमाको चुल्हो बाल्ने सहारा थियो।
गोदावरी नगरपालिका–४ बासपानीकी ४४ वर्षीया धनादेवी धामीले यहि टेम्पोबाट गुजारा चलाउँदै आएकी थिइन । उनले अनेकौ हारगुहार गर्दा पनि आफ्नो टेम्पोलाई बनका कर्मचारीलाई भीरबाट खसालिदिएको धामीले बताइन् । धामीले घर नजिकै भीमदत्त राजमार्गको गाइमारे डाँडास्थित सडक छेउमा टेम्पोमा सामान लिएर बेच्ने गर्थिन् । डिभिजन वन कार्यालय धनगढीका कर्मचारीहरुले उनीमाथि पनि वन अतिक्रमण गर्ने गरेको दाबी गर्दै टेम्पो भीरबाट खसालिदिएका हुन् ।
जनताको सम्पत्ति भीरबाट खसालेर सिध्याउने कर्मचारीको बचाउनमा डिभिजन वन कार्यालय कैलालीले जुन विज्ञप्ति जारी गरेको छ, त्यो झनै घिनलाग्दो देखिएको छ । कार्यालयले विज्ञप्तिमार्फत निर्लज्ज भएर भनेको छ– टेम्पो पछाडि सार्ने क्रममा असन्तुलित भएर आफैँ खस्यो। के यो भिडियोमा ती कर्मचारीले टेम्पो तानेको वा जोगाउन खोजेको देखिन्छ र, स्पष्ट छ, उनीहरूले पूरै तागत लगाएर धक्का दिएका छन्। सरकारी कागजमा कोरिएको यो झुटले प्रष्ट पार्छ कि हाम्रा सरकारी निकायहरू कतिसम्म भ्रष्ट र निर्लज्ज हुन सक्छन्। आँखा अगाडि बलिरहेको सत्यलाई छोप्न आफैँ खस्यो भन्नु जनताको चेतना र विवेकमाथि गरिएको भद्दा मजाक हो। विज्ञप्तिमा भनिएको छ– टेम्पो चल्ने अवस्थामा थिएन। यदि चल्ने अवस्थामा थिएन भने पनि के त्यसलाई जफत गर्ने वा अन्य ठाउँमा सुरक्षित राख्ने कानुनी प्रक्रिया थिएन । के कानुनले वन कर्मचारीलाई विध्वंशक बन्ने अधिकार दिएको छ।
डिभिजन वन अधिकृत रामविचारी ठाकुर भन्छन– आवेगमा त्यस्तो भएको हुन सक्छ। हाकिम साब तपाईंको आवेगले एउटी महिलाको रोजीरोटी भिरबाट खस्दा उनको परिवारको पेटमा कति ठूलो चोट लाग्यो, के चुरे संरक्षण भनेको गरिबका सपनाहरूलाई भिरबाट गुडाउनु मात्रै हो । यो केवल एउटा टेम्पो खसालिएको घटना होइन, यो त राज्यले नागरिकको भरोसालाई भिरबाट खसालेको हो ।
१२ वर्षमा ९ हजार ७५ किलोमिटर सडक कालोपत्रे, कुन वर्ष कति ?
काठमाडौं महानगरको सौन्दर्य, सुरक्षामा आँच आउने विज्ञापन सामग्री पूर्ण निषेध
गरिबको रोजीरोटी भिरबाट खसाल्ने वन कर्मचारीको निर्लज्ज बचाउ
गुण्डुमा ओलीले भने– विधि र पद्धति भत्केकै हो, जिम्मेवारी म मात्रै लिन्नँ
भारतीय अवरोधले संकटमा नेपाली चिया, उद्योगीले भोलिदेखि उद्योग बन्द गर्ने घोषणा
ओली, लेखक र गुरुङलाई पुनः पक्राउ गर्दै सरकार
भारतीय सुरक्षाकर्मीलाई लखेटे सुस्ताबासीले, हतियार सहित आएर दिन थाले धाकधम्की
दराजमा थन्किएका फाइल अब सुदनको टेबुलमा, गिरिबन्धुसहित यी १५ महाकाण्ड खोल्ने
अर्थमन्त्री वाग्लेमाथि संसदीय छानबिन समिति गठन गर्न नेकपाको माग
सर्वोच्च अदालतको आदेश : प्रदर्शनीमार्ग वरपर नाराजुलुस र प्रदर्शन नगर्नू
प्रतिक्रिया