बुधबार, १३ साउन २०८३
बुधबार, १३ साउन २०८३
२५ पुस २०८२
काठमाडौंं- राजीनामा दिनुअघि सरकारी खर्चमा अमेरिका घुम्न मरिहत्ते गरेर लागि परेका जेनजी मन्त्री बब्लु गुप्ताको अन्ततः अमेरिका भ्रमण रद्द भएको छ ।
चुनाव लड्ने तयारी गरेका र दलिय राजनीतिमा हामफाल्न लागेका खेलकुद मन्त्री गुप्ताको चर्को आलोचना र तिब्र विवादपछि अमेरिका भ्रमण रद्द भएको छ । फर्जी संस्थाबाट नक्कली निमन्त्रणा बनाई जेन–जी आन्दोलनपछि नेपालको विकासमा गैरआवासीय युवाहरूको भूमिका विषयक कार्यक्रममा भाग लिन अमेरिका जान लागेको भन्दै मन्त्री गुप्ताको आलोचना भइरहेको थियो । माघ ३ गते अमेरिकामा आयोजना हुने Role of NRNA Youth in the Development of Nepal Post Gen Z Revolution सम्बन्धी कार्यक्रममा सहभागी हुन मन्त्री गुप्तालाई क्याबिनेटले स्वीकृति प्रदान गरेको थियो ।
भ्रमण स्विकृति आउन समय लागेको, भिसा प्रोसेसिङलगायतलाई समय लाग्ने भएकाले मन्त्री गुप्ताको भ्रमण रद्द गरिएको सचिवालयले जनाएको छ । आयोजकले सबै खर्च ब्यहोर्ने सर्तमा मन्त्री गुप्ता र उनका सहयोगीहरु अमेरिका जाने तयारीमा थिए । तर, चौतर्फी प्रश्न उठेपछि र प्रधानमन्त्रीले नै चासो राखेपछि उनको अमेरिका जाने कार्यक्रम रद्द भएको छ ।
मन्त्री गुप्ताले फर्जी आयोजक र फर्जी निम्तोपत्र बनाएर अमेरिका भ्रमण स्वीकृत गराएको पाइएको थियो । नेपाल सरकार वा अमेरिकामा रहेको नेपाली दूतावास वा अमेरिकी सरकारको अभिलेखमा नभएको आयोजक देखाई मन्त्रीको हैसियतमा मन्त्रिपरिषद्बाट भ्रमण स्वीकृत गराउनु अनियमित र गैरजिम्मेवार भएको भन्दै विरोध सुरु भएको थियो । नागरिक सरकारमा बसेका मन्त्रीको विदेश भ्रमण मोह विषयमा चौतर्फी आलोचना भइरहँदासमेत अस्तित्वमै नभएका आयोजक खडा गरेर उनी भ्रमणमा जान खोजेका थिए ।
रास्वपासँग काठमाडौं महानगरका मेयर बालेन शाह र ऊर्जामन्त्री कुलमान घिसिङ संरक्षक रहेको उज्यालो नेपाल पार्टीबीचको एकता घोषणा कार्यक्रममा उपस्थित भएर खुसी मनाउँदै कार्यक्रमस्थलबाटै आफ्ना विभिन्न जिल्लाका नेटवर्कलाई खुसी सेयर गरेका गुप्तालाई दलीय संलग्नताका नाममा समेत राजीनामाको दबाब छ । पद नै धरापमा परेपछि उनी राजीनामा दिनु अघि फर्जी कार्यक्रम देखाएर अमेरिका घुम्न जान लागेका थिए ।
चीन र दक्षिण एसियाली क्षेत्रको ज्ञान विमर्श, विकासको आधार ज्ञान र खोज भएको निश्र्कष
बाल मन्दिर प्रकरणमा ३ जना पक्राउ
सय दिन बितेसँगै थप आक्रामक बन्दै बालेन, यी ५ मन्त्री र सचिवालय सदस्यहरु नै फेर्ने
मेलम्ची आयोजनाको मुहानमा बाढी, पानी आपूर्ति बन्द
अन्तर प्रदेश सार्वजनिक सवारीसाधनको भाडा दुई प्रतिशतले घट्यो
विमानस्थलका चार हजार पूर्वकर्मचारीसँग प्रतिबन्धित क्षेत्रको प्रवेश पास
इन्धनको मूल्य घट्दा पेट्रोलपम्पहरुमा लाग्यो सटर
गर्धन कालो हुनुको कारण के हो ?
बालेनसहित को को हुँदैछन् रास्वपा पदाधिकारीमा मनोनित
कांग्रेस संस्थापन इतरपक्षको सम्पर्क कार्यालय सञ्चालनमा
प्रतिक्रिया