शुक्रबार, ०४ वैशाख २०८३
शुक्रबार, ०४ वैशाख २०८३
०३ वैशाख २०८३
काठमाडौं - भ्रष्ट र घुसखोरको दिनगन्ती सुरु गरेका, बिचौलियाहरु लखेटेका र सुशासन प्रत्याभुति दिलाएका प्रधानमन्त्री बालेन शाहको क्रेज नेपालमा मात्रै होइन विश्वभर फैलिन थालेको छ ।
अमेरिकाको प्रतिष्ठित टाइम म्यागेजिनको १०० प्रभावशाली व्यक्तिको सूचीमा परेका बालेनको दक्षिण एसियाली मुलुक बंगलादेश र भारतका नागरिकले जयजयकार नै गर्न थालेका छन् । कतिपय भारतिय नागरिकहरु त हामीलाई बालेनजस्तो प्रधानमन्त्री चाहियो भन्दै उनको प्रशंसा गरिरहेका छन् । मिडियाहरुले उनकै गुनगान गाइरहेका छन् ।
भारतिय मिडियाले बालेनलाई नायक फिल्मको अनिल कपुरसँग दाजिरहेका छन् । भ्रष्टलाई थुनेको, भिआइपी कल्चर स्वाहा बनाइ दिएको भन्दै वा वाही गरिरहेका छन् । भारतमा जस्तै बालेनको चर्चा विश्वका कयौं देशमा हुन थालेको छ । ३५ वर्षकै उमेरमा प्रधानमन्त्री बनेर पुरै सिस्टम चेन्ज गर्न लागि परेको भन्दै उनको प्रशंसामा समय खर्चिरहेका छन् ।
अझै अमेरिकाको प्रतिष्ठित टाइम म्यागेजिनको १०० प्रभावशाली व्यक्तिको सूचीमा परेसँगै बालेनको उचाइ थप बढेको छ । अमेरिकी राष्ट्रपतिदेखि डोनाल्ड ट्रम्पदेखि चिनियाँ राष्ट्रपति सि चिनफिङसम्म अटाएको लिष्टमा बालेनको नाम पनि समावेश छ । नेताहरूको सूचीमा विश्वभरका जम्मा २४ जनाको मात्रै छ । टाइम म्यागेजिनले बालेनको उदयलाई दक्षिण एसियाको पुरातन र वंशवादी राजनीतिको कडा जवाफ भनेको छ ।
टाइमले बालेनको प्रोफाइलमा लेखेको छ, ‘गत चैतमा बालेनको जित त्यस्तो समयमा भयो, जब जेन–जी पुस्ताले भ्रष्टाचार र पुरानो राजनीतिक शैली विरुद्ध देशभर प्रदर्शन गरिरहेको थियो । जसले आफ्नो इमान बेच्छन उनीहरूका लागि पैसा रूखमै फल्छ भन्दै र्याप गाउने यी इन्जिनियरले काठमाण्डुको मेयरका रूपमा देखाएको कार्यक्षमताले नै उनलाई आज ३ करोड नेपालीको नेतृत्व गर्ने स्थानमा पुर्याएको छ ।’
बालेनले कुनै समय सामाजिक सञ्जालमा लेखेका थिए । ‘नयाँ हुन् वा पुराना, सबै राजनीतिज्ञहरू चोर हुन् ।’ टाइम म्यागजिनले आफ्नो रिपोर्टको अन्त्यमा भनेको छ, ‘अहिले समस्त नेपालीहरू उनी आफैंले लेखेको त्यो भनाइलाई आफैंले गलत साबित गरुन् भन्ने आशमा छन् ।’
भिसा प्रतिबन्ध लगाउने अमेरिकाको घोषणा
ट्रेड युनियन अधिकार नखोस्न कर्मचारी संगठनहरूको आग्रह, सरकारसँग राखे यस्ता माग
६ तस्वीरमा खुलामञ्चको सौन्दर्य
गगन थापाप्रति उदार बने रवि–बालेन, कांग्रेसलाई दिए लेखा समितिको सभापति
बालेन बने विश्व चर्चित अनुहार , भारतदेखि बंगलादेशसम्म जयजयकार
धनगढी उपमहानगरले गर्यो संघ सरकारको निर्णयको अवज्ञा, भोलिदेखि विद्यार्थी भर्ना
प्रधानमन्त्री शाहले गरे मुख्यमन्त्रीहरूसँग छलफल
बालेन र बालेन सरकारप्रति अमेरिकी चासो
जिम्मेवारीमा भएकाले लचिलो र विनम्र छु, यसलाई कमजोरी नठान्नुहोला : गगन थापा
२९ वैशाखभित्र एसईईको नतिजा सार्वजनिक गर्ने तयारी
प्रतिक्रिया