बुधबार, १८ चैत २०८२
बुधबार, १८ चैत २०८२
११ भदौ २०८२
काठमाडौं - नेपाल शिक्षक महासंघले नेपाली कांग्रेसको पार्टी कार्यालयमा धर्ना दिएको छ । पहिलो चरणको आन्दोलन कार्यक्रमअन्तर्गत बुधबार सानेपास्थित कांग्रेस कार्यालयमा महासंघले धर्ना दिएको हो ।
धर्ना कार्यक्रम २ बजेसम्म जारी रहने महासंघले जनाएको छ । उनीहरुले ध्यानाकर्षण पत्र पनि बुझाएका छन् । बिहीबार एमाले केन्द्रीय कार्यालय च्यासल र शुक्रबार माओवादी केन्द्रको केन्द्रीय कार्यालयमा पेरिस डाँडामा धर्ना दिने कार्यक्रम रहेको महासंघका अध्यक्ष लक्ष्मीकिशोर सुवेदीले जानकारी दिए ।
प्रतिनिधिसभा र राष्ट्रियसभाबाट विगतमा भएका सहमतिअनुसार विधेयक सच्याउन महासंघको माग छ । महासंघले २०७५, २०७८, २०८० र २०८१(०८२ सालमा सरकारसँग भएका सहमति कार्यान्वयन गर्न माग गरेको हो ।
२०८२ वैशाख १७ गते मन्त्रिपरिषद्बाट पारित भएका ९ बुँदासमेत अझै कार्यान्वयन नभएको भन्दै ९ बुँदा कार्यान्वयन गर्न महासंघले माग गरेको छ । संसदको शिक्षा, स्वास्थ्य तथा सूचना प्रविधि समितिले पारित गरेको विद्यालय शिक्षा विधेयक सहमति अनुसार नभएको महासंघको ठहर छ ।
अस्थायी प्रकृक्तिका शिक्षकको पदपूर्ति आन्तरिक प्रतिस्पर्धा ७५ प्रतिशत र खुला २५ प्रतिशत हुनुपर्ने माग महासंघको छ । विधेयकमा ६० प्रतिशत आन्तरिक र ४० प्रतिशत खुला हुने राखिइको छ । विधेयकमा स्थायी शिक्षकको आवधिक बढुवाको प्रबन्ध समावेश नभएको, अस्थायी अवधिको गणना नभएको महासंघले जनाएको छ ।
यस्तै, म्याद सकिएका अध्यापन अनुमती पत्रको म्याद थप्ने कुरा नसमेटिएको र शिक्षकको विभागीय कार्बाहीको व्यवस्था सहमतिअनुसार नभएको महासचिव थापाले बताए ।
विद्यालय कर्मचारीको पद र वेतन सुनिश्चित नभएको र बालकक्षा शिक्षकको पद र सेवा सुविधा निश्चित नभएको निष्कर्ष महासंघको छ । संस्थागत विद्यालयका शिक्षकको सेवा र अव्यवहारिक सरुवा प्रणालीको व्यवस्था ल्याइएको महासंघको भनाइ छ । शिक्षक दरबन्दी स्थानीय तहमा हस्तान्तरण गर्ने विधेयकको प्रवन्धमा महासंघले विरोध जनाएको छ ।
पाँच वर्षका लागि नागढुंगा सुरुङमार्ग सञ्चालनको जिम्मा चिनियाँ कम्पनीलाई
बैंक खातामा निष्क्रिय रकम राज्यले खोस्ने, कति छ बैंकहरुमा थुप्रिएको निष्कृय रकम
श्रम कार्यालयमा असुली धन्दा बन्द, अब आवेदन दिएकै दिन श्रमस्विकृति दिइने
को–को छन् बालेनको सचिवालयमा ?
इलामको बागखोरमा पहिरोले ट्रक पुरियो, मेची राजमार्ग अवरुद्ध
आजदेखि आवेदन दिएकै दिन श्रम स्वीकृति पाइने, हट्यो टोकन प्रणाली
सर्वोच्चमा ओली पत्नी राधिकाको निवेदन
अपार्टमेन्टमा बसिरहेका बेला समातिएका थिए ऊर्जामन्त्री खड्का
केपी ओलीलाई भर्चुअल रुपमा अदालत उपस्थित गराउने तयारी
पक्राउ परेका ओली अस्पतालमै बस्ने, अदालत खुलेपछि कानुनी उपचारमा जाने
प्रतिक्रिया