बिहिबार, १७ वैशाख २०८३
बिहिबार, १७ वैशाख २०८३
१५ वैशाख २०८३
काठमाडौं- जेनजी आन्दोलनका क्रममा जलेका सवारीसाधनका नाममा स्वास्थ्य मन्त्रालयका कर्मचारीले तेलको कुपन काट्दै लाखौं रुपैयाँ खाएको खुलासा भएको छ । स्वास्थ्य मन्त्रालयभित्रैबाट प्राप्त जानकारीअनुसार, प्रयोगमा नरहेका—अर्थात् पूर्ण रूपमा जलेर नष्ट भइसकेका सवारीसाधनका नाममा समेत नियमित रूपमा तेल कुपन काट्ने र त्यसको रकम साट्ने काम भइरहेको छ। स्रोतका अनुसार, यो प्रक्रिया लामो समयदेखि चल्दै आएको छ र यसबाट लाखौं रुपैयाँ मिलिजुली कर्मचारीले नै खाने गरेको आशंका गरिएको छ ।
भदौ महिना भएको जेनजी आन्दोलनका क्रममा स्वास्थ्य मन्त्रालयका १८ र मन्त्रालय अन्तर्गतका अन्य निकायका ६ गरी कुल २४ वटा गाडी जलेका थिए। पूर्ण रूपमा क्षति भएर काम नलाग्ने अवस्थामा पुगेका तिनै सवारी साधनको विवरण देखाएर कर्मचारीले इन्धन सुविधा लिने गरेको पाइएको छ । जलेर कामै नालाग्ने भएका गाडीहरूलाई “कागजमा जीवित” राखेर तेल कुपन काट्ने र त्यसको रकम नगदमा रूपान्तरण गर्ने प्रक्रिया जारी रहेको पाइएको छ। कुपन प्रणालीअन्तर्गत, सरकारी सवारीसाधनका लागि निश्चित परिमाणमा इन्धन उपलब्ध गराइन्छ। तर, यहाँ त्यही प्रणालीको दुरुपयोग गरेर जलेका गाडीको नाममा समेत कुपन काटिएको देखिएको छ। यसरी सरकारी ढुकुटीको रकम हजम बनाएको खुलेको छ ।
मन्त्रालय स्रोतका अनुसार यदि भद्रकालीस्थित सेनाले सञ्चालन गर्ने रिपुमर्दिनी पेट्रोल पम्पबाट हालसम्म जारी भएका सबै कुपनहरूको विवरण झिकेर अनुसन्धान गरियो भने वास्तविकता छर्लङ्ग हुनेछ। किनभने अधिकांश सरकारी कुपन त्यही पम्पमार्फत साटिने गरिएको छ। एक कर्मचारीले नाम नखुलाउने सर्तमा भने, “कुन गाडी चलिरहेको छ र कुन जलेको छ भन्ने स्पष्ट तथ्य हुँदाहुँदै पनि कुपन काटिएको छ भने त्यो सामान्य प्रशासनिक कमजोरी होइन, संगठित अनियमितता हो।”
यो विषयमा छानविनको माग भएपछि स्वास्थ्य तथा जनसङ्ख्या मन्त्री निशा मेहता एक्सनमा उत्रिएकी छिन् । उनले कहाँबाट कसरी यस्तो भयो भन्ने बारे तत्काल अनुसन्धान गरी दोषीमाथि कारबाही गर्न सचिवलाई निर्देशन दिएकी छिन् । स्वास्थ्य मन्त्रीले छानविनको निर्देशन दिएपछि स्वास्थ्य मन्त्रालयमा हंगाामा मच्चिएको छ ।
लुम्बिनी जाने योजनाबाट एकाएक किन ‘ब्याक’ भए बालेन ?
चक्रपथ विस्तारमा चीनको ११ अर्ब सहयोग, बालेन सरकारको पहिलो कूटनीतिक उपलब्धि
संवैधानिक आयोगहरूमा काम गर्न कठिन हुँदैछ : रवि लामिछाने
बिक्नै छाड्यो बैंकको पैसा, थुप्रियो १२ खर्ब, खराब कर्जाले थलिदै गए अधिकांश बैंक
सम्पत्ति छानविनसँग अतालिन थाले उच्चपदस्त , आयोग नै खारेजको माग गर्दै गुहारे सर्वोच्च
राजदुत नियुक्तिमा पनि इतिहास बनाउदै बालेन, अब खुल्ला प्रतिस्पर्धाबाट हुनेछन् राजदुत नियुक्त
सुकुम्बासीको विवरण संकलनमा सेना नै सक्रिय , प्रशासनलाई छैन अत्तोपत्तो, सेनाले काट्यो पत्र
कांग्रेस एमालेलाई पुरै सरकारी संयन्त्रबाट फाल्दै बालेन, राजनीतिक नियुक्ति खाएका १२ सय कार्यकर्ता बर्खास्त हुने पक्का
जलेका गाडीका नाममा तेल खर्च असुल्दै कर्मचारी , स्वास्थ्यमन्त्री उत्रिन एक्सनमा, थालिन छानविन
लाइसेन्सको म्याद अब १० वर्ष, उद्दार गर्दा पुरस्कार, दुर्घटना गराएर ज्यान मारे जन्मकैदको सजाय
प्रतिक्रिया